Wäilkuumen tou ju Stifting Fryske Klub Ljouwert!
Ju Stifting Fryske Klub Ljouwert is n' näien Buund in Ljouwert/Leeuwarden mäd dän Gruund, n' Huus tou koopjen, wier sik n' Zentrum foar ju fräiske Sproake un Kultur äntwikkelje kon, n' fräisk Huus. Wie wollen dät, uumdät wie leeuwe, dät Ljouwert, ju fräiske Hauptstääd, sun Zentrum fertjoont. Wie stounde deermäd nit alleenich: ju Meente Ljouwert un n' Riege fon uurse fräiske Organisationen stöänje uus Initiative.

Uus Foarhääben touhoopefoated
Wie wollen in ju Binnenstääd fon Ljouwert een Huus koopje, wier gesällige Klub-Eeuwende un kulturelle Aktivitäten weese konnen. Deertou kon sun Huus as Kwatier foar Büros un Versammlungsruumten tjoonje. Wie sjoo dät uk as n' Träffpunkt, wier Fräisen un uurs Foulk uut Fräislound of Europa sik aphoolde konnen. Uk wollen wie deer n' Bibliothek un n' Computer mäd Tougong tou dät Internet hääbe.

N' informellen Träffpunkt
OFoar uus sunt eerenamtlike Buunde un informelle Kontakte dät Upperste. N' näi Fryslânhûs, wier do Profis foar dät Fräisk oarbaidje, is nit, wät wie ounstrieuwje. N' fräisk Huus as n' informellen Träffpunkt foar aal do Ljude, do sik foar dät Fräisk interessierje, dät is dät Ziel!

Fon Idee tou Bedrieuwsploan
Ju Stifting Fryske Klub Ljouwert häd al n' Masse begäisterte Reaktionen ap dät Foarhääben foar n' fräisk Huus kriegen. Do Ideen loangje foar n' Bedrieuwsploan mäd solide Gruunde foar ju Finanzierung. Wie kriege Stöän fon ferschiedene Moanskene, fon Ferwaltenge un uk fon Bedrieuwe. Wie reekenje uk mäd "unverzinsliche Darlehen".
Wie wäide al truch n' Riege fon fräiske Organisationen stöänd, mäd Jäild of mäd uurse Hälpe. Do Bedrieuwskosten konnen oudäkt wäide truch n' Lokoal in düt Huus of truch Ferleenden fon Büros of uurse Ruumten. Dät rakt al Buunde, do bie uus in dät fräiske Huus Ruumten hierje wollen.