Wäljkiimen tu e Stifting Fryske Klub Ljouwert for en frasch hüs önj Ljouwert!
Jü Stifting Fryske Klub Ljouwert as en nai organisatsjoon önj Ljouwert/Leeuwarden, mat müülj, en bag tu kuupen, wat en tsäntrum for di frasche spräke än jü frasch kultuur wårde schal, en frasch hüs ålsü. Weestfraschlönj heet bloot iinj hoodstää. Deeram miine we, da grünleedere, dåt sün frasch hüs eefter Ljouwert hiirt, än nargens ouers. Än we stönje deerma ai åliinj: jü gemiinde Ljouwert än maning frasche organisatsjoone stipe üüs initsjatiiwe.
Üüs fornaamen kort amschraawen
We wan önj e banestää foon Ljouwert en bag önjschååfe, weer meeklike klubeene än kulturäle aktiwitääte organisiird wårde koone. Widere koon sün bag uk kantoore än soomlingsrööme for frasche organisatsjoone en tååge önjbiidje. We siie et hüs as en stää, weer frasche jam ma oudere följke üt Fraschlönj än Euroopa drååwe koone. Forsänj as uk en biblioteek än en computer ma en ferbining tut Internet.
En informälen drååwepunkt
Önjt uugensteblak breeget en bag for informäle än iirenåmtlike organisatsjoone. Deeram ruchte we üs for ålem deeraw, än ai aw profesjonäle frasche organisatsjoone. Wat we forääwe, as ålsü ai mat Fryslânhûs tu ferliken, weer da profis fort frasch uuge. Wat we weese wan, as en meekliken klub än en informälen drååwepunkt for enarken, wat ham mat frasch ferbünen fäilt!
Foon idee tu bedrifsploon
Jü Stifting Fryske Klub Ljouwert heet maning begaisterte reaksjoone awt fornaamen for en äin frasch hüs füngen; nooge idee for en gödj ütårbeden bedrifsploon. Di bedrifsploon mååget gliks dütlik, hü we dåt åles betååle wan. We tånke am priwootstipe, subwentioonen foon e ferwålting än sponsoring foon bedriwe än oudere organisatsjoone. Widere räägne we ma unferruntede deerleene.
Nü ål wårde we döör maning frasche organisatsjoone finantsjäl unti ouers stiped! Wan we iinjsen tugungs san, koone da koostinge aw ünlike wise oufdaked wårde, t.b. döör da bruminkamste unti döör en diilj foont hüs as kantoor unti süwat tu ferliien. Hü organisatsjoone hääwe nü ål fååstläid, dåt 's rööme bai üs liie wan.
|
